Tal ya cumo se recói no plan de funcionamientu de la Oficina Moza, na primera quincena de santamarina ya na primera ya na segunda del mes d'agostu celebraránse las XIII Colonias Urbanas "Esparcer", que contemplan la participación de 50 nenos/as en cadagunu de los turnos ya la contratación de 4 monitores/as p'atender las necesidades de todos el.los.
 Las personas que tengan interés n'acceder a las plazas que se van ufiertar han tar en posesión del títulu de monitor/a d'actividades de tiempu l.libre, expedíu pol Institutu Asturianu de la Mocedá ou pol órganu correspondiente d'outra comunidá autónoma debidamente homologáu d'alcuerdu  a lo dispuesto no decretu 41/89, de 9 de marzu (BOPA de 19 d'abril de 1989).
La coordinación ya dirección de las actividades d'estos monitores cuerre a cargu del personal de la Oficina Moza de Cangas.

Las actividades de las colonias desenvolveránse nos trés periodos arriba mencionaos, segunda quincena de santamarina ya primera ya segunda d'agostu, n'horariu de 11 a 14 horas ya nos sitios avezaos: CP Maestro Casanova ya espacios públicos de la vil.la. Todo el.lo previu plazu de preinscripción ya sortéu públicu pa determinar l'orde d'inscripción de los participantes. El preciu
de matrícula nas colonias será de 10 euros, cumo nas convocatorias anteriores.