El Conceyu de Cangas del Narcea, en colaboración cona Conseyería de Servicios ya Drechos Sociales ya'l sindicatu COAG, promueve un cursu pa formar en materia d'atención domiciliaria ya alimentación familiar.

El cursu, con una duración de 40 horas, impartiráse ente'l 5 ya'l 16 de los santos na Casa la Cultura ¿Palaciu d'Oumaña¿, de ¿¿unes a vienres, n'horariu de 9:30 a 13:30 horas, pa facilitar la conciliación familiar, ya ta dirixíu a muyeres n'edá de trabayar. Hai 25 plazas ya la inscripción ha fadese na Axencia d'Igualdá d'Oportunidades, presencialmente: Casa Conceyu, El Mercáu, s/n ou por teléfonu: 985813812, ente'l 17 al 31 d'outubre.

Outramiente, el cursu tendrá certificación oficial ya, sigún apunta Carmen López, conceyala de la Muyer del Conceyu Cangas, la formación apurrida vien a revalorizar, dignificar ya profesionalizar l'ámbitu de los cudiaos, sector profesional al alza nel mediu rural onde la responsabilidá  recái mayoritariamente nas muyeres.