La Conceyalía de la Mocedá prepara las súas XV Colonias urbanas "Esparcer", destinadas a nenas/os de 6 a 12 años (edá a 31/12/2018).
Esti programa d'actividades de branu ta dirixíu a nenas ya nenos d'ente 6 ya 12 años ya pretende ofrecer a las familias un espaciu d'ociu alternativu ya saludable pa los días l.largos de las vacaciones.
Las actividades  fanse ente'l CP "Maestro Casanova", El Prau del Molín, el Muséu del Vinu ya la bolera ya inclúin actividades de todu tipu qu'implican ociu ya diversión, pero tamién deprendimientu.
El programa desenvolveráse en dous turnos ya las familias habrán escoyer ente la primera quincena de santamarina ya la primera quincena d'agostu.
Las preinscripciones fairánse del 11 al 19 de xunu, el sortéu del orde d'inscripción fairáse'l día 20 ya las inscripciones de las personas almitidas ente'l 21 ya'l 29 del mesmu mes. El coste d'inscripción yá de 10 euros ya'l númaru de plazas por quincena ta limitáu a 50 nenas/os, que cuntarán con 5 monitoras/es tituladas/os.
Tola tramitación fairáse na Oficina Moza de Cangas, Casa la Cultura "Palaciu d'Oumaña", La Plaza la Oliva, s/n.
    
Dende la organización, siñalan l'éxitu d'estas colonias qu'añu tras añu suman participantes, cumpliendo conas expectativas de los más pequenos ya de las súas familias ya contribuyendo a la conciliación familiar durante'l periodu non lectivu.