Esti programa d'actividades de branu ta dirixíu a nenas ya nenos d'ente 6 ya 12 años ya pretende ofrecer a las familias un espaciu d'ociu alternativu pa los días l.largos de las vacaciones.

Las actividades, dirixidas por 8 monitores ya monitoras (incluyendo 5 personas contratadas ya 3 en prácticas),  fanse ente'l CP ¿Maestro Casanova¿, El Prau del Molín, COGERSA ya la bolera ya inclúin actividades de todu tipu qu'implican ociu ya diversión, pero tamién deprendimientu, de feitu, estiañu ta especialmente dedicáu a la concienciación en materia mediuambiental ya reciclaxe, d'ehí, que, ente las actividades programadas, s'incluya una visita a las instalaciones de COGERSA, onde las personas participantes recibirán información sobe sostenibilidá ya ecoloxía.

Dende la organización, siñalan l'éxitu d'estas colonias qu'añu tras añu suman participantes, cumpliendo conas expectativas de los más pequenos ya de las súas familias ya faciendo posible crear un espaciu de xuegu ya deprendimientu que permita la conciliación familiar no branu.