Esti programa d'actividades de branu ta dirixíu a nenas ya nenos d'ente 6 ya 12 años ya pretende ofrecer a las familias un espaciu d'ociu alternativu ya saludable pa los días l.largos de las vacaciones.
Las actividades fanse ente'l CP "Maestro Casanova", El Prau del Molín, el Muséu del Vinu ya la bolera ya inclúin actividades de todu tipu qu'implican ociu ya diversión, pero tamién deprendimientu.
El programa desenvolveráse en dous turnos ya las familias haberán escoyer ente la primera quincena de santamarina ya la primera quincena d'agostu.
Las preinscripciones fairánse del 3 al 14 de xunu, el sortéu del orde d'inscripción fairáse'l día 17 ya las inscripciones de las personas almitidas ente'l 18 ya'l 29 del mesmu mes. El coste d'inscripción yá de 10 euros ya'l númaru de plazas por quincena ta limitáu a 50 nenas/os, que cuntarán con 5 monitoras/es tituladas/os  ya  l'apoyu d'outras/os monitoras/es en prácticas.
Tola tramitación fairáse na Oficina Moza de Cangas, Casa la Cultura "Palaciu d'Oumaña", La Plaza la Oliva, s/n.
    
El conceyal de Mocedá, Sergio Boto, siñala l'éxitu d'estas colonias qu'añu tras añu suman participantes, cumpliendo conas expectativas de los más pequenos ya de las súas familias ya, lo más importante, contribuyendo a la conciliación familiar durante'l periodu non lectivu.