XORNADAS GASTRONÓMICAS DEL ANTROIRU:

En tiempu del antroiru yá típico comer la cabezada, la cabeza del gochu salada, ya'l butiel.lu con verduras ou patacas. Nestas fechas los restoranes de la zona ufiertan un menú especial basáu nestos productos.

XORNADAS GASTRONÓMICAS DE LA XATA ROXA:

Coincidiendo cono Concursu Subasta Nacional de la Raza Asturiana de los Val.les, a finales d'abril, organízanse estas xornadas. Considérase qu'esta raza yá la meyor productora de carne roxa, yá que los nuesos ganadeiros crían los sous animales con un sistema tradicional. La Xata Roxa puede degustase en chuletón, n'escalopín, en cachopu, en carrillera, en morru, en costía; puede ser cocida, asada, a la brasa, frita, al puntu; en forma de pinchu, de brocheta, de tosta, d'empanada, de paté, acompañada de patacas, de salsas, de verduras, de frutas, de setas...

CANGAS DE PINCHOS:

A principios de xunu celébrase esti eventu gastronómicu de creación nueva nel que participan establecimientos cangueses diferentes. Cada restorán ufierta los sous meyores pinchos mezclando innovación ya gastronomía tradicional.

FIESTA DE LA VENDIMIA:

Cada añu, durante la ponte del Pilar, esta fiesta conviértese no referente festivu ya gastronómicu de la comarca. Las cal.les céntricas de la vil.la chénanse de puestos d'artesanía, alimentos tradicionales ya, sobre todo, las bodegas fan el Vinu de Cangas. Durante estos días faise la demostración de pisada tradicional d'uva ya la degustación de los caldos de la tierra.

XORNADAS GASTRONÓMICAS DE LA CAZA:

La chegada de la ponte de la Constitución en Cangas del Narcea vei unida indiscutiblemente a la degustación de la caza. El xabaril, el corzu ou las perdices, acompañadas de castañas, fabas ya verduras, puré de mazana ou salsa d'arándanos, ya l'acompañamientu de los caldos del país establecen la pauta pa estas xornadas.