L'apegu de los habitantes de la zona polas súas tradiciones, amás del aislamientu xeográficu, contribuyenon a mantener costumes culinarias ancestrales, amás d'una gama variada de productos tradicionales. Son productos feitos con materias primas de gran calidá que nos regala esta tierra, productos mimaos ya qu'aprovechan los sabores tresmitíos de xeneración en xeneración. Esta tresmisión nun impidíu que se foran introduciendo na tradición el desenvolvimientu ya la innovación conservando todu'l sabor ya la calidá.

El Vinu de Calidá de Cangas, la carne de Xata Roxa de la raza autóctona d'Asturiana de los Val.les, los embutíos tradicionales, el pan de l.leña, el miel de queirín ou los auguardientes artesanos son dalgunos de los productos más reconocíos. Productos que pueden obtenese en muitos comercios ya/ou tiendas d'ultramarinos de la zona, amás de n'establecimientos específicos de cada productu.