Centros d'interpretación - ayto-cangasdelnarcea
Centru d'interpretación de Muniel.los
Asítiase a 850 m, nuna cantera antigua, restaurada ambientalmente ya integrada no paisaxe, nas inmediaciones de la Reserva Natural Integral de Muniel.los.
L'edificiu, d'arquitectura singular ya adaptáu pa personas con movilidá reducida, constitúise cumo centru pa la conocencia d'esti espaciu natural.Nél recréase la vida no monte al traviés de paneles informativos, salas interactivas ya proxecciones audiovisuales. Nel exterior, dous miradores, uníos por un camín pintorescu, permiten observar toda la súa dimensión ya riqueza natural.
Dientro del Centru d'Interpretación de Muniel.los hai una exposición permanente, distribuida en varias salas:
"Conocer el monte". El visitante trata d'identificar los elementos más significativos del monte ya alquier la conocencia necesaria pa prosiguir la visita.
"Descubrir el monte". Recrea un paséu pol monte cona súa fauna ya la súa flora. Los soníos del monte convídannos a descubrir las "sorpresas" que nos depara'l recorríu. Tamién se representa la integración del home nel entornu al traviés de las construcciones típicas de la zona.
"Un paséu pol monte". Yá una sala de proxección pequena, ande s'expón la película que permite visualizar Muniel.los a vista de páxaru...
"Muniel.los, Reserva de la Biosfera". Una maqueta permite indicar en relieve ya de forma dinámica los elementos distintos de la reserva. Amás, informa sobre la evolución histórica ya la conservación de Muniel.los.
ASITIAMIENTU:
Ctra. AS-348 ¿ PK 5, dirección Pto. El Coniu
HORARIU:
-
JUNIO – SEPTIEMBRE:
Lunes a domingo: de 10:00 a 14:00 h. y de 15:00 a 18:30 h.
OCTUBRE – MAYO:
Sábados: de 10:00 a 14:00 h. y de 15:00 a 18:30 h.
Domingos: de 10:00 a 14:00 h.
*Consultar horarios ampliados en Semana Santa y puentes
CONTACTU:
- 610 581 720
Casa del Parque Natural de Fontes del Narcea Degaña ya Ibias
Asítiase xunto al Monasteriu de Courias,parador nacional de turismu, nas caballerizas antiguas del cenobiu. Funciona cumo puerta d'entrada al parque natural, ande'l visitante vei poder obtener toda la información relativa al mesmu.
La casa del parque tien cuatro salas diferienciadas, repartidas en dous pisos. Todas el.las equipadas con paneles esplicativos, maquetas ya audiovisuales.
La primera sala ta dedicada a la conocencia del mediu natural. Cuéntanos mediante paneles ya audiovisuales l'asitiamientu del parque natural nel mapa, el territoriu qu'ocupa ya la litoloxía, que determina en gran midida'l tipu de suelu, flora ya fauna.
La segunda sala muestra mediante fotos ya piezas artesanales la explotación de recursos naturales, reflexando'l gran valir cultural de los conocimientos de los habitantes del parque na xestión tradicional de los recursos naturales ya oficios artesanales. Minería, ganadería ya apicultura, entre outros.
La tercer sala, yá nel pisu superior, esplícanos mediante paneles qué yá un parque natural ya cúmo se xestiona, en qué consiste'l PRUG (plan rector d'usu ya xestión) ya'l plan de desenvolvimientu sostenible. Un audiovisual esplica la zonificación actual del parque ya las actividades permitidas en cadaguna d'el.las.
La sala última ta dedicada al Monesteriu de Courias. Un audiovisual ya varios paneles esplícannos los sous díaz sieglos d'historia, así cumo la importancia socioeconómica que touvo na zona.
Acaba'l recorríu cona visita al molín antiguu de cacáu, construíu polos monxes dominicos no sieglu XIX ya halláu durante la rehabilitación del edificiu. Un audiu cunta la historia del molín.
ASITIAMIENTU:
- Courias (Cangas del Narcea)
HORARIOS:
- Sábados: de 10:00 a 14:00 h. y de de 15:00 a 18:00 h.
- Domingos: de 11:00 a 14:00 h.
CONTACTU:
- 985 813 981
Centru de recepción de visitantes Alejandro Casona
Centru dedicáu al dramaturgu Alejandro Casona. Cunta amás con un espaciu ande se muestra la historia, la cultura ya la etnografía del nucleu rural de Bisuyu, de gran tradición ferrera.
PISU ALTU: Un recorríu cronolóxicu a lo l.largo la vida ya la obra del autor. Los sous principios ya andaduras, la súa familia ya'Ll sou pueblu.
- Casona, descubriendo'l destín.
- Casona, sentimientu pedagóxicu.
- Casona, dramaturgu universal.
- Casona, na vera del idioma.
- Casona, autor de cine.
- Bisuyu ya la pelegrina.
- La dama del alba.
PISU BAXU: Una muestra resumida ya ordenada sobre¿l pueblu de Bisuyu, las súas xentes, las súas tradiciones, el sou entornu.
- Historia ya poblamientu.
- La casa tradicional.
- Horrios ya paneras. Las brañas.
- Casona, nietu de ferreiros.
- La industria del fierru en Bisuyu.
- La fraugua. Tierra de mazos.
- Recreación de una l.lariega tradicional.
- El carru del país.
- La comunidá protestante.
ASITIAMIENTU:
- Bisuyu (Cangas del Narcea)
HORARIOS:
- Consultar: https://www.visitabesullo.com/horarios
CONTACTU:
- 985 811 498 (Oficina Turismu)
Molín de Vil.laxur, Centru d'Interpretación de la Pesca
Molín rehabilitáu qu’ufierta una muestra interesante de los nuesos ríos. Dispón de fotos, paneles esplicativos de la súa historia ya desenvolvimientu, amás d’una colección d’arabías de pesca “artes de pesca” que recuerre la traxectoria histórica dende las redes primeras hasta las cañas modernas.
L’obxectivu del centru de vilaxos yá consiguir la repoblación de los ríos de la comarca con truita del país, manteniendo la linia xenética. Aprovechando parte de las instalaciones del molín, el centru distribúise en varias zonas:
- Balsa d’estabulación ya presas de maduración de reproductores asitiada nel pozu antiguu que surte al molín.
- Laboratoriu d’incubación.
- Balsa de maduración de vilaxos.
La súa exposición permanente recói una muestra de flora ya fauna de la ribera de la comarca.
ASITIAMIENTU:
- Vil.laxur (Riegla de Naviegu)
HORARIU:
- Visitas concertadas mediante cita previa
CONTACTU:
- 647.018.777