El Muséu del vinu de Cangas del Narcea ta asitiáu no popular barriu de bodegas de San Tisu.

L'edificiu presenta un diseñu elípticu, parcíu a una cesta, ya pretende ufiertar al visitante un paséu pola cultura del vinu d'Asturias.

La exposición permanente cunta con tres partes principales:

Un recorríu polos trabayos de la viña, la súa historia milenaria, las características singulares d'esti vinu, el tarrén qu'ocupa, amás de las tareas ya calandarios de trabayos na viña ya na bodega conas súas peculiaridades múltiples.

La visita tamién nos permite conocer la exposición extensa de piezas usadas na elaboración del vinu ya no cultivu de la vide. Amás, vei poder observase una plantación ya unos emparraos tradicionales conas variedades de vide autóctonas.

El recorríu acaba cona visita a una bodega tradicional asturiana que guarda un l.lagar vieyu de viga, d'unos quinientos años d'antigüedá.

El visitante vei topar en cada requeixu del muséu recursos museográficos múltiples basaos nas tecnoloxías nuevas, talas cumo audiovisuales ya manipulativas, que, nun hai duda, van contribuir a completar una visita atractiva.

Dende'l muséu puede faese'l Paséu del vinu. Arranca frente al muséu ya recuerre la ribera del ríu Naviegu, ente viñas pequenas ya monte de ribera.

ASITIAMIENTU

Barriu de San Tisu (Cangas del Narcea)

HORARIOS:

UNIO – OCTUBRE:

Martes a sábado: de 11:00 a 14:00 h. y de 16:30 a 19:00 h.

Domingos: de 11:00 a 14:00 h

NOVIEMBRE – MAYO:

Martes a sábado: de 11:00 a 14:00 h. y de 16:00 a 18:30 h.

Domingos: de 11:00 a 14:00 h

*Consultar horarios ampliados en Semana Santa y  puentes

TARIFAS:

• Adultos: 2,35 euros
• Nenos: 1,30 euros
• Grupos: consultar

CONTACTU:

• 984 497 009
• Páxina Web