El Conceyu de Cangas del Narcea yía entidá promotora del programa "Actívate", que vei desenvolvese no periodu comprendíu ente'l 6 de marzu ya'l 5 de setiembre de 2017 ya ta dirixíu a personas mayores de 45 años desempleadas durante muitu tiempu. Trátase d'un programa mixtu d'empléu-formación subvencionáu pol Serviciu Públicu d'Empléu del Principáu d'Asturias ya cofinanciáu pol Serviciu d'Empléu Públicu Estatal que permite a las personas participantes fadese con una formación acreditada con un certificáu de profesionalidá complementáu, amás, cona práctica nuna obra rial relacionada cona ocupación correspondiente, pa la que son contratadas a tiempu parcial.   

Nesti casu, el programa "Actívate" posibilita fadese cono Certificáu de Profesionalidá EOCB0209 "Operaciones auxiliares d'acabaos ríxidos ya urbanización" ya las obras a fader asítianse no Parque de La Reguerala, onde se fan l.labores d'acondicionamientu de la fonte ya arreglu del pisu del parque, amás, trabayan nos exteriores de la Escuela Taller pa sanear ya acondicionar los muros ya paredes exteriores, de la mesma manera que n'outras vías públicas de Cangas arreglan, reponen ya renuevan el pisu.

Pal desenvolvimientu del programa, cuéntase con una nave no Centru d'Empresas d'Oubanca ya un aula ya una oficina del programa na sede de la Casa la Cultura "Palaciu d'Oumaña".

De forma paralela, las  personas participantes van recibir formación complementaria en prevención de riesgos laborales, sensibilización medioambiental, igualdá d'oportunidades, formación empresarial ya orientación laboral.

La puesta en marcha d'esti programa supón la contratación de personal docente, monitor ya mentora, ya 8 participantes.  

Dirección ya contactu:

Casa la Cultura "Palaciu d'Oumaña"
33800 Cangas del Narcea
Tfn.: 985812617
Fax: 985813046
Corréu electrónicu: activate@ayto-cnarcea.es