Cangas del Narcea, 31 de marzu de 2021. El Conceyu de Cangas del Narcea, al traviés de la Conceyalía de Cultura, eichóu a andar la biblioteca dixital, a la que puede accedese dende la web no enganche:  https://www.ayto-cnarcea.es/biblioteca. "Trátase d'una iniciativa que forma parte del proxectu d'animación a la lectura qu'empicipióu l'anu pasáu, nél, entregánonse l.libros a los 900 escolares d'ente 3 ya 12 anos del conceyu", recordóu'l conceyal de Cultura, José María Álvarez Carro. Agora, con esta iniciativa, los menores van poder acceder a los díaz exemplares disponibles, que tán catalogaos por edades en trés secciones, con el.los, van tar entreteníos nas vacaciones de Pascua", dixo l'edil, que piensa qu'ía fundamental "aplicar las tecnoloxías nuevas que tanto prestan a la mocedá pa inicialas/los no mundu estupendu de la lectura". 

Amás de poder l.ler dixitalmente'l l.libru, las ya los menores van poder acceder a material complementariu, cumo realidá aumentada ou actividades, que van fader más entretenío l'hábitu de la lectura. Una biblioteca qu'arranca con díaz exemplares ya con un fondu que "pretendemos aumentar nun futuru", sigún anuncióu'l responsable de Cultura, qu'instóu a las familias a implicar a las ya los más pequenas/os na lectura. Álvarez Carro recordóu qu'esti proxectu nun implicóu un coste extraordinariu a las arcas del Conceyu, porque fui financiáu conos fondos destinaos a la Navidá Cultural, que touvo que ser suspendida por culpa l'andancia.