Estas en:

Pan de l.leña

Hasta nun hai muitos años, el cultivu fundamental na zona de Cangas del Narcea yera'l centén, semáu en cortinales, tierras de l.labor permanentes cerradas ya divididas en parcelas. Espuéis de la recoyida del cereal venía la mayada/machada, que consistía en separar el granu de la paya. Pa el.lo, prepárase una era, un trozu de campu preparáu a tal efectu al l.lau de la casa.

El pan, alimentu principal de la dieta dende hai cientos d'años, consumíase en tódalas comidas ya de muitas maneras: con embutíos, con l.leite, acompañando'l pote, fritu, secu, en sopas d'ayu... Sigue fadiéndose cumo antias, bona muestra d'el.lo son la multitú de fornos que siguen existiendo en muitas de las casas de los más de 300 pueblos que forman el conceyu ya, por supuesto, de tantas panaderías que siguen fadiendo'l tan sabrosu “pan de l.leña”, denomináu asina porque la súa cocción sigue fadiéndose no fornu encendíu con l.leña.

La forma de faer el pan yera un elementu identificativu de cada casa, que tenía las súas costumes propias a la hora de faer esta tarea: la disposición del fornu, el puntu de cocción, la forma específica de las fogazas conos debuxos feitos por fendeduras nas mesmas, etc. Cada quince días más ou menos, las amas preparábanse pa esti trabayu delicáu, cuasi sagráu. El día antias al de faer el pan, fadíase'l furmientu, que consiste n'augua caliente, sal, farina ya un poucu de pasta de la fornada anterior que se guardaba a tal fin.

Pa faer el pan de l.leña usábase un mueble de madera denomináu masera ya siguíanse unos pasos mui determinaos. Faise un fracu na farina ya añádese-y augua caliente, el sal ya'l formientu. Cuando la pasta tea unida ya nun se pegue a niuna parte, envuélvese nuna sábana deixándola asina fermentar. Sábese que la masa ta fermentada cuando “tien güeyos” ya cuando al presionala recupera outra vez la forma. En tando preparáu'l fornu ya la masa l.leldada, córtase la masa en trozos pa faer las fogazas, antias de metese al fornu puede decorase con motivos que se fan con tenedores ya cuchiel.los.

El día que s'amasaba'l pan, constituía una fiesta pequena pa la familia, yá que se fadían bol.los preñaos con chorizu ou carne, siendo éstos un manxar exquisitu feitu con materias primas de la meyor calidá ya cono amor ya la sabiduría de la tradición.

Panaderías ya pastelerías

N'actualidá hai muitas panaderías ya la mayoría ufiertan pan artesanu en fornu de l.leña.

Panadería Besullo.

  • Bisuyu.
  • Teléfonos: 696 600 062 / 659 989 450

Panadería Bornazal.

  • Bornazal.
  • Teléfonu: 616 961 210

Panadería Chichapán.

  • Plaza La Oliva, 3
  • Teléfonu: 985 810 135

Panadería Isclo.

Panadería Isacel: Panadería de productos sin gluten.

Panadería Manín.

  • Obrador:
    • Borracán, Cangas del Narcea
    • Teléfonu: 985 813 438
  • Despacho:
    • C/ Rafael Fernández Uría, 4
    • Teléfonu: 985 817 053
  • maninborracan@hotmail.com

Panaderia Penles.

  • Obrador:
    • Robledor, s/n. Ctra. Cangas - Degaña. Km 4.
    • Teléfonu: 985 811 625
  • Despachos:
    • EL Paseu, 52-54. Teléfonu: 985 812 773.
    • C/ Médico Rafael Fernández Uría, 9. Teléfonu: 985 811 044.
  • penles@hotmail.com

Panadería Santa Marina.

Panadería Silvela.

Panadería Xiepe.

  • Obrador:
    • Berguñu
    • Teléfonos: 985 921 111, 686 300 740.
  • Despacho:
    • El Paseu
    • Teléfonu: 985 810 478
  • xiepe@hotmail.es