Regáu pol ríu Narcea, en mediu de praos bien fértiles, asítiase a 732 m d'altitú. Nun entornu natural del que forma parte'l fayéu de Monesteriu d'Ermu. Nesta vexetación nieta, tienen el sou hábitat dalgunos exemplares del osu pardu cantábricu ya outras especies emblemáticas.

La iglesia de Santa María (s. XII), d'estilu románicu rural, ía una de las que se conserva n'estáu más puru, ensin demasiaos rebelicoques. Ía de planta rectangular ya ábside semicircular con armazón de madera no techu ya bóveda de cañón no presbiteriu, con arcu de mediu puntu. Consérvanse pinturas murales del s. XVI, retablu del s. XVII ya gran colección d'imáxenes medievales.

La capilla del Santu Cristu de Murias, destacable pola fachada en mármol hermosa, ya la Casona de López del Campillo, conecida tamién cumo Casa l'Indianu, d'estilu popular, son outros de los atractivos del pueblu.

Xedré ía amás conecíu pola súa gran afición al xuegu tradicional del bolu vaqueiru.

• L.lugar: Xedré (Cangas del Narcea)

• Distancia cona capital del conceyu: 25 km