Óu comer - ayto-cangasdelnarcea
Óu comer
Cangas del Narcea propón al visitante una restauración na que la variedá ya la calidá caminan de la mano. Tanto na vil.la cumo nos muitos l.lugares del conceyu podemos alcontrar milenta requeixos nos que trastiar embutíu con pan de l.leña, saborear la meyor carne de xatu, deleitase con dalgunu de los nuesos l.lambericos, probar el nuesu miel ou dalgunu de los auguardientes típicos. Nun van faltar opciones pa quien busquen una cocina más innovadora ou un quitafame rápidu ya informal.
Amás d'un menú pa cada vez, el visitante vei alcontrar nos establecimientos cangueses l'ambiente acoyedor de quien recibe, non yá a un turista, senón a un amigu. Un brindis por Cangas con vinu de la tierra vei ser el colofón perfectu pa cualquier velada. Bon provechu.
Al traviés de los enl.laces siguientes facilítase l'accesu a los establecimientos inscritos no Rexistru d'Actividades Turísticas del Principáu d'Asturias, ordenaos alfabéticamente ya por tipu d'establecimientu.
- Propuestas restoranes, chigres ya outros establecimientos pa comer na vil.la de Cangas.
- Propuestas restoranes, chigres ya outros establecimientos pa comer no conceyu de Cangas.