La Conceyalía de la Mocedá inaugura güei'l turnu segundu de las XIV Colonias Urbanas "Esparcer", nel que van participar 50 menores.
    Esti programa d'actividades de branu ta dirixíu a nenas ya nenos d'ente 6 ya 12 años ya pretende ofrecer a las familias un espaciu d'ociu alternativu pa los días l.largos de las vacaciones.
    Las actividades  fanse ente'l CP "Maestro Casanova", El Prau del Molín, el Muséu del Vinu ya la bolera ya inclúin actividades de todu tipu qu'implican ociu ya diversión, pero tamién deprendimientu.
    Dende la organización, siñalan l'éxitu d'estas colonias qu'añu tras añu suman participantes, cumpliendo conas expectativas de los más pequenos ya de las súas familias.