Naz “Pa que t’enteres.OIJ”, el programa de radio de la Oficina d’Información a la Mocedá que vei emitise a partir de marzu en Radio Narcea. El programa pretende dar información d’interés xeneral dirixida especialmente a la mocedá.

Los conteníos d’esti programa nuevu vei preparalos la Oficina d’Información a la Mocedá, pero los encargaos de tresmitilos al traviés de las ondas van ser los destinatarios, yá dicir, los locutores ya protagonistas de “Pa que t’enteres. OIJ” van ser los rapacinos de Cangas del Narcea.

Tódolos mozos interesaos en colaborar cona Oficina d’Información a la Mocedá ya participar cumo locutores no programa “Pa que t’enteres.OIJ” en Radio Narcea pueden apuntase ya pidir más información na Oficina d’Información a la Mocedá, asitiada na Casa la Cultura “Palaciu d’Oumaña”, tódolos días pola mañana ya de l.lunes a xueves de 17:00 a 19:00 de forma presencial ou al traviés del númaru de teléfonu 985812617. Tamién puede contactase cona OIJ por mediu del corréu electrónicu oij@ayto-cnarcea.es ya las redes sociales facebook ya twitter.