N’Asturias más de 300 menores residen en centros de protección a la espera de ser acoyíos temporalmente.

La Conseyería de Bienestar Social ya Vivienda, en colaboración cona Cruz Roja, desenvuelve dende hai más de 12 años programas diferentes d’acoyimientu familiar. Trátase d’evitar la institucionalización de nenas ya nenos que por motivos diferentes deben ser separtaos de la súa familia d’orixe, pa los que yá posible’l retornu cona súa familia propia una vez que se resuelvan los problemas ou, polo menos, mermen de manera significativa.

No casu de que la reunificación familiar nun fose posible, permítese-y al menor permanecer nun entornu familiar normalizáu hasta que s’estableza pa él una midida definitiva: adopción ou acoyimientu permanente.

Sigún Cruz Roja, no Principáu d’Asturias hai más de 300 nenas, nenos ya adolescentes que residen en centros de protección, esperando ser acoyíos por una familia. Amás, aseguran que pa faer l’acoyimientu puede ser adecuada cualquier persona, a partir de los 25 años ya con cualquier estáu civil ya posición económica ou nucleu familiar.

Las personas interesadas en convertise en familia d’acoyida pueden solicitar más información a Cruz Roja ou consultar la páxina web www.familiasacogedoras.es.