El sábadu 9 de marzu celebróuse la fase última de clasificación de los Xuegos escolares de kárate, modalidá de kata, no Polideportivu del Conceyu de Cangas del Narcea.

L’eventu organizáu pola Federación Asturiana de Kárate ya’l Conceyu de Cangas del Narcea, xuntóu a más de 170 karatecas representaos pol Club de kárate Corvera, Club de kárate Luarca, Gimnasio Íñigo Nuevo ya Gimnasio Coliseum.

El Gimnasio Coliseum foi’l club que más medallas consiguíu nesti campeonatu, alzándose con díaz primeiros puestos, nueve segundos ya quince terceiros. Un total de 34 medallistas qu’yá tán clasificaos pa la fase final, que vei celebrase’l próximu 23 de marzu en Llangréu.

La entrega de premios cuntóu cona presencia del Presidente de la Fundación Asturiana de Kárate, Benjamín Rodríguez, cona Conceyala de Deportes, Marta Fernández, cono Conceyal d’Urbanismu, José Ramón Puerto, ya cono Director del Departamentu de Kárate Infantil de la Federación Asturiana de Kárate ya director del Gimnasio Coliseum, Francisco Martins, quien se mostróu arguyosu pol trabayu feitu polos sous pupilos.

Los karatecas cangueses del Gimnasio Coliseum que consiguienon subise al pódium fonon: Álvaro González, Esther Rodríguez, Mario Qiantao, Miguel Ron, Alberto Gómez, Lara García, Juan Marcos, Alba Calzón, Alejandro Cachón ya Clara Puerto, que se proclamanon campeones. Los subcampeones cangueses fonon: Yaiza Álvarez, Miguel Sal, Silvia Fernández, Roberto Carro, Nerea Rodríguez, Luis Valdés, Marina Álvarez, Samuel Vicente ya Claudia Pasarín. P’acabar, la medalla de bronce l.levánonsela: David Aumente, Lucía Barrero, Lolo García, Roberto Fernández, Pedro Rodríguez, Xana López, Carmen Fernández, Xavi Flich, Emilio Fernández, Laura Gómez, Nuria Álvarez, Pedro Martínez, Pedro Losas ya Rut Suárez.

Imágenes