La piscina climatizada foi inaugurada’l 23 de setiembre de 1998 ya dende entós foi xestionada pola Casa Conceyu. Cunta con un vasu polivalente ya outru infantil. Tamién con una sala d’usos múltiples, ande se fan las actividades d’aeróbic ya ximnasia de mantenimientu; una sauna ya un solárium.
 

El Polideportivu foi inauguráu’l 25 de xunu de 1985 ya dende’l principiu foi xestionáu pola Casa Conceyu. Cunta con una pista polideportiva de suelu sintéticu ande puede practicase: fútbol sala, baloncestu, balonmanu, voléibol, tenis ya bádminton, sala de musculación, sala de tenis de mesa ya sala de boxéu. Amás, cunta tamién con una cancha exterior cubierta con mididas oficiales pa fútbol sala, balonmanu, baloncestu ya tenis.
 

El campu de fútbol d’El Regueirón yá propiedá del Conceyu, pero l.liévalu en renta la Sociedá Deportiva Narcea, qu’yá la que s’encarga del sou cuidáu ya mantenimientu. Yá de yerba sintética ya tien iluminación pa poder xugar ya entrenar de nueite.
 

El campu de tiru asítiase en La Mata ya yía propiedá del Conceyu, pero l.liévalu en renta’l Club Deportivu La Pólvora. Foi inauguráu’l 16 de marzu del 2003 ya cunta con un local social, aparcamientos ya un fosu olímpicu ande se practica tiru al platu nas modalidades de fosu olímpicu, fosu universal ya doble trapp.
 

La bolera de bolu celta asítiase na zona deportiva d’El Regueirón. Yá del Conceyu, pero l.liévala en renta’l Club de bolos La Panera, qu’encárgase del sou cuidáu ya mantenimientu. Yá de yerba natural, tien una grada pequena, bar ya iluminación pa poder xugar ya entrenar de nueite.

La bolera de bolu vaqueiru asítiase na zona deportiva d’El Regueirón anexa a la bolera celta. Yá del Conceyu, pero l.liévala en renta’l Club de bolos La Panera, qu’encárgase del sou cuidáu ya mantenimientu. Yá de yerba natural.