Subiénonse al pódium nesta ocasión: Niko González, Claudia Pasarín, Miguel Ron ya Clara Puerto.

El Gimnasio Coliseum participóu’l domingu 14 d’abril no XII Troféu Internacional Valle de Piélagos (Cantabria) con ocho karatecas que dienon una vez más una bona muestra de kárate cangués.

No tornéu participanon 465 karatecas desplazaos d’Andorra, Marruecos, Cataluña, La Rioja, Navarra ya Asturias, ente outros sitios. A pesar de la magnitú del eventu, los karatecas cangueses consiguienon faese un fracu no pódium. Niko González proclamóuse campeón de la categoría kata junior, Claudia Pasarín subcampeona xuvenil, Miguel Ron tamién fui subcampeón na categoría vilaxu ya Clara Puerto consiguíu’l tercer puestu na xuvenil.

Francisco Martins, director del Gimnasio Coliseum, aprovechóu esti campeonatu exitosu pa presentar el campus de branu 2013, qu’organiza la Real Federación Española de Kárate ya que vei faese n’Amposta (Tarragona) ente los días 30 de xunu ya 6 de xuliu.

Esti campus dirixíu por Manuel Capetillo, componente de la Federación Madrileña, vei cuntar con Francisco Martins cumo profesor, amás de con José Manuel Egea, campeón del mundu de kumite, ya Santiago Velilla, director del Gimnasio Sankukai.

Imágenes