El Departamentu de Kárate Infantil de la Federación Asturiana de Kárate organizóu’l primer alcuentru de kárate infantil no Polideportivu del Conceyu de Cangas del Narcea’l sábadu 12 de xineiru.

Nesti eventu deportivu participanon un centenar de karatecas de varios ximnasios del Principáu d’Asturias de las categorías comprendidas ente benxamín ya cadete. Ente el.los taba l’alumnáu d’Aerogym ya bail.le de Zarréu, Luiña, Mual ya Ximnasiu Coliseum. Amás, l’alcuentru karateca pretende ser un actu solidariu, por el.lo, tódolos participantes van l.levar un quilu d’alimentos non perecedeiros que van ser recoyíos pol voluntariáu de Cruz Roja.

L’alcuentru de kárate infantil empicipióu a las 11:00 ya al.largóuse hasta las 14:00, la entrada foi l.libre ya de baldre, anque convidóuse a los asistentes a aportar un quilu d’alimentos non perecedeiros.

El departamentu de kárate infantil ta formáu por Francisco Martins, director, ya polos técnicos Íñigo Nuevo ya Israel Palleiro, encargaos de poner en marcha esti eventu solidariu ya deportivu que cunta cono apoyu de la Federación Asturiana de Kárate, presidida por Benjamín Rodríguez Cabañas, ya cono del Conceyu de Cangas del Narcea.