Cangas del Narcea prepárase p’acoyer el tercer tornéu de deporte base de la temporada, el XIX Tornéu Nacional Infantil d’Autonomías Cangas del Narcea 2012, XIII Memorial Juan José Arribas. El tornéu de balonmanu, xunto conos de fútbol sala, yá’l más veteranu ya consolidáu de la vil.la. Recibe tódolos años alredor de 400 participantes vinientes de zonas diferentes del país: Cataluña, Islas Canarias, País Vascu, Castía, Valencia, Madrí, Navarra, ente outros.

El martes 4 de santamarina a las 16:00 faise la inauguración oficial del tornéu, que vei cuntar cona presencia del Alcalde, José Luis Fontaniella ya’i la Conceyala de Deportes, Marta Fernández, ya empicipia’l tornéu con partíos a las 21:30.

Nos cinco días de tornéu van xugase’l mediu centenar de partíos previstos, disputándose las finales na mañena del domingu. N’acabando los partíos, a las 13:45, vei procedese a entregar los premios a los ganadores ya a cerrar el tornéu.

La puesta en marcha del tornéu, nel que participan xugadoras ya xugadores de categoría infantil, consíguese gracias a la colaboración ente la Federación de Balonmanu del Principáu d’Asturias ya’l Conceyu de Cangas del Narcea. Precisamente, hai unas sumanas la Rial Federación Española de Balonmanu premióu al Conceyu de Cangas cona distinción al méritu deportivu na súa categoría de promoción pol l.labor desenvolvíu durante 19 años na organización del tornéu de balonmanu ya, polo tanto, no fomentu del balonmanu base.

Referencias

Páxina web de la Federación cona información de calendario ya resultados

Imágenes