Esti CDTL ta destináu a mayores de 16 años. Los menores d’edá tienen de tar acompañaos d’una persona adulta ya nun van poder permanecer no centru durante l’horariu escolar.

1. Cubre la ficha d’inscripción debidamente cumplimentada ya recói’l tou carné cuando lu tengas preparáu.

2. Nun tas namás tu no CDTL. Hai personas trabayando, así que respeta a los demás ya fala nun tonu moderáu. Nun nos presta chamate l’atención.

3. Nun ta permitíu fumar, comer nin consumir bebidas nel aria de trabayu.

4. Mantén el centru l.limpiu. Usa las papeleras.

5. Se quies usar la impresora tienes que pidir permisu a la persona encargada. El personal del CDTL puede informate sobre los bonos d’impresión.

6. Ta prohibío dafeitu acceder a páxinas web con conteníos pornográficos ou terroristas.

7. Ta prohibío dafeitu “baxase” software pirateáu.

8. Ta prohibida la instalación de cualquier programa. En casu de requerir l’usu d’aplicaciones informáticas diferentes a las instaladas, tienes de solicitalo anantes al responsable del CDTL.

9. L’usu indebíu de los equipos ya las modificaciones na configuración van suponer la expulsión inmediata ya definitiva del CDTL.

10. Existen prioridades d’usu pa los equipos, anantes de la presentación de la ficha de solicitú existente. Los usos prioritarios son:

      I. Proxectos de teletrabayu ya formación
      II. Busca d’empléu
      III. Realización de trabayos ya actividades académicas

11. Establezse un sistema de cita previa pa tódolos usos, quitando chat ya navegación por páxinas web, ou usu del corréu electrónicu con fines diferentes a los citaos no apartáu anterior.

12. Los usos relacionaos con ociu quedan limitaos a la existencia d’equipos l.libres ya’l tiempu pa esta actividá vei ser d’una hora. L’usu del chat limítase a 30 minutos d’usu del ordenador. Ta prohibío dafeitu usar los equipos del CDTL pa xugar.

Importante: l’incumplimientu d’estas normas vei poder suponer una retirada de carné de forma temporal ya hasta definitiva ya la limitación consecuente d’accesu al CDTL Narcea.
Detectar un usu diferente al alcordáu vei suponer la perda de la prioridá, amás de l’anulación inmediata del equipu.