CANGAS DEL NARCEA - ASTURIAS – ESPAÑA (21, 22, 23 YA 24 DE SANTAMARINA DEL 2012)

Espuéis del éxitu de las ediciones pasadas, l’Aria de Deportes de Cangas del Narcea eicha a andar la edición cuarta, cono obxectivu de meyorar ya aumentar la participación d’equipos no IV Tornéu Internacional de Baloncestu. A esti proxectu súmase outra vez la Federación de Baloncestu del Principáu d’Asturias, el Oviedo Club de Baloncesto ya’l Club de Baloncesto Cangas del Narcea.

L’Aria de Deportes, espuéis de la experiencia acumulada nestos 18 años últimos, cona organización de 18 ediciones del tornéu nacional de balonmanu por autonomías (en colaboración cona Federación de Baloncestu del Principáu d’Asturias), quier consolidar esti eventu cumo referente.

L’Ayuntamientu ya los vecinos del conceyu quieren animavos a participar pa qu’esfrutéis, d’una parte, de la guapura ya l’arrogancia de la nuesa vil.la ya, d’outra, del desenvolvimientu d’esti tornéu de baloncestu. Enguano meyoramos las nuesas instalaciones ya cuntamos no núcleu deportivu con trés canchas cubiertas ya una descubierta. Todo el.lo, cona intención de dar un impulsu nuevu al nuesu tornéu ya poder acoyer al mayor númaru de participantes posibles. Outramiente ya dau’l númaru grande de peticiones que recibimos añalmente, estiañu ufiertamos 3 opciones distintas pa participar no Tornéu Internacional “Fontes del Narcea”:

1. Estancia na residencia.
2. Estancia na hostelería del conceyu facilitada pola organización.
3. Estancia por cuenta del equipu correspondiente (nesti casu la participación no tornéu sal de baldre).

Por todo esto, estiañu amás de cuntar cona participación de los equipos de las ediciones anteriores, vamos subir el númaru de los participantes pa que tódalas categorías tengan 12 equipos. En casos puntuales esti númaru puede variar. P’apuntase, vei tomase cumo referencia’l pagu de la preinscripción, que vei ser de 300 €, dando preferencia na residencia a los participantes d’ediciones anteriores ya completando’l númaru de plazas sigún orde rigurosu de pagu de la preinscripción. El día últimu pa faer la preinscripción vei ser el 1 de mayu.

Organizador:

Aria de Deportes del Conceyu Cangas del Narcea.
Federación de Baloncestu del Principáu d’Asturias.

Colaboradores:

• Oviedo Club de Baloncesto
• Club de Baloncesto Cangas del Narcea

Categorías convocadas:

Infantil ya cadete – masculina ya femenina.

Sitiu’i celebración:

Pabellón deportivu del Conceyu Cangas ya pabellón nuevu, a la vera’i Cangas del Narcea ya con capacidá pa 1.000 personas sentadas. Tamién hai un pabellón escolar con capacidá pa 200 personas.

Árbitros:

Árbitros federados de la Federación de Baloncestu del Principáu d’Asturias.

Agospiamientu equipos:

Los equipos diferentes agospiaránse en réxime de pensión completa na Residencia de Cangas del Narcea ou nos hoteles El Químico ya Peña Grande.
El costu de los equipos na residencia yá de 90 euros/persona. Cada equipu vei tener 15 personas (12 xugadores, 2 entrenadores ya un delegáu). La cantidá global resultante vei ser ingresada na cuenta bancaria de La Caixa del Conceyu Cangas: 2100 - 4601 - 19 - 2200002374, especificando nome del equipu ya del tornéu (descontando 300 € de la preinscripción).

El costu de los equipos n’hotel yá de 110 euros/persona. Cada equipu vei tener un máximu de 15 personas (12 xugadores, 2 entrenadores ya un delegáu). La cantidá global resultante vei ser ingresada na cuenta bancaria de La Caixa del Club Baloncesto Cangas del Narcea 2100 – 4601 – 16 – 2200007781, especificando nome del equipu ya del tornéu (descontando 300 € de la preinscripción).

Condiciones d’agospiamientu:

Residencia de Cangas del Narcea

• Comida, cena ya pousada xueves 21 de santamarina
• Pensión completa vienres 22 de santamarina
• Pensión completa sábadu 23 de santamarina
• Pensión completa domingu 24 de santamarina (la cena puede ser un picnic, porque’l tornéu acaba a las 19.00 ya la mayoría de los equipos salen de vuelta n’acabando ésti).
• Existe la posibilidá de faer nueite’l domingu.

Sistema de competición:

Los doce equipos por categoría van dividise por sortéu en tres grupos diferentes (puede cambiase en función de los equipos inscritos). La competición en cada grupu faise por “liguilla”, el primeiru de cada grupu ya’l meyor segundu van xugar las semifinales. Garantízanse un mínimu de tres partíos por equipu sea’l que sea’l númaru d’equipos inscritos.

Actos oficiales:

• Regunión técnica a celebrar el xueves 21 de santamarina a las 22 horas na Escuela Hogar.
• Cierre oficial del tornéu a celebrar el domingu 24 de santamarina del 2012 a las 19.00 horas no Pabellón deportivu del Conceyu cono desfile de tódolos equipos participantes ya la entrega de trofeos. Tódolos equipos participantes van recibir un troféu. Yá obligatorio desfilar con vistimenta deportiva.

Información especial:

Toda la información sobre’l tornéu na páxina web: http://www.ayto-cnarcea.es. Entrar en Servicios ciudadanos → Deportes → Torneos ya campeonatos → Baloncestu.
Los xugadores inscritos tienen de presentar obligatoriamente’l DNI a la organización.

Teléfonos d’información:

• Coordinador de Deportes del Conceyu de Cangas del Narcea, director de los torneos: José Antonio Menéndez Fernández. Teléfonos: 985 81 32 58 /// 985 81 27 65. Fax: 985 81 27 27. Dirección: Piscina climatizada del Conceyu de Cangas del Narcea: piscina@ayto-cnarcea.es.
• Director Técnicu del tornéu ya miembru del Aria de Deportes del Conceyu Cangas: Víctor Fernández Menéndez. Teléfonu: 661 43 13 99/ 985 813 258 /piscina@ayto-cnarcea.es.
• Auxiliar de Deportes del Conceyu de Cangas del Narcea: Oscar Rodríguez Álvarez. Teléfonos: 985 81 30 46 /// 985 81 21 19. Fax: 985 81 30 46. Dirección: Pabellón Deportivu del Conceyu de Cangas del Narcea. Corréu electrónicu: polideportivo@ayto-cnarcea.es.

Nas ediciones anteriores amás de la competición, organizamos outros actos relacionaos cono baloncestu cumo charlas-coloquiu, clínica ou exhibiciones. No 2012 trabayamos pa faer subir ya meyorar todo lo qu’hai alredor ya, por eso, subiemos principalmente l’apartáu de clínica, de facto, tamos en conversación con dalgunos entrenadores ya miembros de la FBPA pa que puedan participar no eventu los cuatro días ya tean presentes na xornada de cierre ya na entrega de trofeos, ayundando a la nuesa mocedá a meyorar distintos aspectos del baloncestu.

Éstos fonon dalgunos de los actos feitos paralelos al eventu n’ediciones anteriores:

Presentación tornéu:

Quince días antias de qu’empicipie’l tornéu vamos presentalu a los medios de comunicación. La presentación vei celebrase n’Uvieo (Teatru Campoamor ou Dirección Xeneral de Deportes) cona asistencia de:

• José Luis Fontaniella - Alcalde del Ilmu. Conceyu de Cangas del Narcea.
• Marta Fernández - Conceyala de Deportes del Ilmu. Conceyu de Cangas del Narcea.
• Marcos Niño - Director Xeneral de Deportes (Principáu d’Asturias).
• Pedro Cancio - Presidente de la Federación de Baloncestu del Principáu d’Asturias.
• Héctor Galán - Director Xeneral del Oviedo Club de Baloncesto.
• Miembros de la organización - Aria de Deportes del Ilmu. Conceyu de Cangas del Narcea.

Clínica ya charlas–coloquiu:

Durante estos años tuviemos la suerte de cuntar con miembros de la FBPA, que nos dienon dalgunas charlas, amás, cuntamos cona participación de Chus Mateo (entrenador d’Unicaja), Genaro Díaz (entrenador de Khimki ya ayudante Selección Española) Fernando Romay (ex-xugador del Real Madrid ya de la selección española), Saúl Blanco (xugador de baloncestu de Fuenlabrada), miembros de la FBPA encabezaos pol Presidente (no momentu Don Pedro Cancio), xugadores ya entrenadores del OCB, etc.

Cierre ya entrega de trofeos:

Durante la xornada del domingu ya la entrega de trofeos acompañánonnos participantes nas charlas-coloquiu, amás de miembros de la FBPA ya la Dirección Xeneral de Deportes.