Los karatecas del ximnasiu Coliseum Nicolás González ya Jéssica González consiguienon el cinturón negru primer Dan espuéis de superar los esámenes feitos no polideportivu del Arena Corredoria’l sábadu 10 de los santos.

Ochenta karatecas del Principáu d’Asturias ya de Cantabria diénonse cita pa consiguir el cinturón negru nas pruebas organizadas pola Federación Asturiana de kárate, dirixidas por Agustín Felipe González, director del tribunal de graos d’Asturias, ya por José Antonio González Magadán, subdirector.

Francisco Martins, director ya profesor de kárate del ximnasiu Coliseum, subrayóu la importancia d’estas pruebas ya’l bon trabayu feitu polos sous pupilos: “los esámenes son un escalón más, la constancia nun se demuestra namás nos campeonatos ya outra vez más el trabayu feitu polos dous karatecas volvíu a dar los sous frutos”.

El sábadu 17 de los santos, los karatecas del Coliseum tienen una cita nueva en Santander, ande vei disputase’l XXVII Troféu de kárate vil.la de Colindres. No tornéu van participar: Vanessa Martínez, Nicolás González, Lara Sánchez, Claudia Pasarín, Laura Gómez, Alejandro Cachón, Roberto Carro, Alba Calzón ya Miguel Ron.

Imágenes