La carrera tradicional de San Silvestre en Cangas del Narcea celebra la súa edición veintinueve’l l.lunes 31 del mes muertu, a partir de las 18:00.

El recorríu de la carrera vei pasar polas cal.les principales de la vil.la ya tener salida ya meta n’El Mercáu, delantre la Casa Conceyu. La carrera vei cuntar con dous traxectos de l.largor diferente, adaptaos en cadagunu de los casos a las categorías participantes. D’esti modu, la categoría masculina ya femenina senior vei enfrentase a un recorríu de 2.200 metros ya los menores de 14 años van faelo a unu de 1.200 metros. N’acabando la carrera los participantes van recibir bebidas ya chocolate caliente pa recuperase.

Los ganadores van ser premiaos con un troféu, amás de con 100 euros en material deportivu ya un pernil na categoría senior, ya con 50 euros en material deportivu pa los ganadores de las categorías inferiores. Tamién van sortease muitos regalos ente los participantes.

Las inscripciones pa formar parte de la XIX San Silvestre van abrise’l mesmu día de la carrera, 31 del mes muertu, a las 16:30 na Casa Conceyu de Cangas del Narcea.

Imágenes