Los karatecas cangueses Niko González ya Claudia Pasarín volvienon subise al pódium no XXVII Troféu de kárate “Villa de Colindres”, que se celebróu’l 17 de los santos en Cantabria. Niko González, un añu más, proclamóuse campeón de la categoría junior, mientras que Claudia Pasarín foi subcampeona de la categoría xuvenil na modalidá de kata.

Al tornéu asistienon más de 400 karatecas na modalidá de kata ya kumite, ente el.los un centenar pertenecientes a la Federación Asturiana de Kárate, qu’engloba muitos clubes, cumo’l ximnasiu Coliseum de Cangas del Narcea. Francisco Martins, director del ximnasiu Coliseum, destacóu los resultaos “brillantes” obteníos pola Federación Asturiana, que consiguíu cinco ouros, cuatro platas ya siete bronces na modalidá de kata; ya cuatro ouros, siete platas ya cuatro bronces na de kumite.
 

Imágenes