Perguntas frecuentes
1.- ¿Cuálas son las obras menores?
Las obras menores son aquel.las construcciones d’entidá constructiva ya simplicidá técnica que sigún las normas subsidiarias de Cangas del Narcea no sou artículu 55 pueden ser aprobadas mediante trámite abreviáu de concesión de licencias, sigún los servicios técnicos de la Casa Conceyu, independientemente de que sea preceptivu oficiu de dirección de técnicu de grau mediu, proxectu de técnicu superior ou cualisquier outru documentu semeyante.
2.- ¿Qué documentos tengo d’aportar pa una obra menor?
- Planu de situación.
- Fotos.
- Presupuestu d’execución material.
- Documentación técnica, se fora necesario aportala, firmada por técnicu competente ya visada pol colexu oficial correspondiente.
3.- ¿Qué documentos tengo d’aportar pa una obra mayor?
- Planu de situación.
- Fotos.
- Presupuestu d’execución material.
- Proxectu básicu ya d’execución, firmáu por técnicu competente ya visáu pol colexu oficial correspondiente.
4.- ¿Qué documentos tengo d’aportar pa faer una vivienda?
- Proxectu básicu ya d’execución, firmáu por arquitectu ya visáu pol colexu oficial correspondiente.
- Dirección d’obra d’arquitectu.
- Dirección d’execución d’obra d’arquitectu técnicu.
- Planu de situación.
- Fotos.
- Escritura ou copia simple de la parcela.
- Xustificación d’existencia de caudal mínimu d’augua.
- xustificación del sistema d'evacuación d'auguas residuales
- Xustificación de suministru d’enerxía eléctrica.
- Xustificación d’accesu rodáu dende vía pública.
5.- ¿Qué documentos tengo d’aportar p’ampliar una vivienda?
- Proxectu básicu ya d’execución, firmáu por arquitectu ya visáu pol colexu oficial correspondiente.
- Dirección d’obra d’arquitectu.
- Dirección d’execución d’obra d’arquitectu técnicu, sigún cada casu.
- Planu de situación.
- Fotos.
6.- ¿Qué documentos tengo d’aportar pa reformar una vivienda?
6.1.- Se la reforma afecta a la estructura ya/ou varía esencialmente de la composición xeneral exterior, tendrá de presentar:
- Proxectu básicu ya d’execución, firmáu por arquitectu ya visáu pol colexu oficial correspondiente.
- Dirección d’obra d’arquitectu.
- Dirección d’execución d’obra d’arquitectu técnicu, sigún cada casu.
- Planu de situación.
- Fotos
6.2.- Se la reforma afecta namás al interior sin afectar a la estructura, tendrá de presentar:
- Planu de situación.
- Fotos.
- Presupuestu d’execución material.
- Documentación técnica, se fora necesario aportar, firmada por técnicu competente ya visada pol colexu oficial correspondiente.
7.- ¿Yá necesaria licencia pa instalar unas persianas ou un toldu?
Sí, yá necesaria, trataríase d’una licencia d’obra menor, teniendo en cuenta la protección del edificiu ente outros, ya se afecta a una comunidá de vecinos tendrá d’aportase’l compromisu de la colocación de, polo menos, una filera vertical de la fachada mediante un proxectu ou documentación conxunta.
8.- ¿Qué documentación tengo d’aportar p’abrir una actividá nun local?
Las actividades pueden ser de dous tipos:
- Clasificadas
- Non clasificadas ou inocuas.
8.1.- Actividades clasificadas: (copias por triplicáu)
Se hai obras:
- Proxectu d’adecuación de local xustificando’l cumplimientu del CTE, accesibilidá ya normativa aplicable sigún l’actividá, firmáu por técnicu competente ya visáu pol colexu oficial correspondiente.
- Dirección d’obra del técnicu no casu nel qu’haiga obras.
- Planu de situación.
- Fotos.
Se NUN hai obras:
- Documentación técnica xustificando’l cumplimientu del CTE, accesibilidá ya normativa aplicable sigún l’actividá, firmada pol técnicu competente ya visada pol colexu oficial correspondiente.
- Tendrá de faese’l trámite sigún el reglamentu d’actividades molestas, insalubres, nocivas ya peligrosas, nun pudiendo desenvolvese l’actividá hasta que s’obtenga licencia d’apertura.
8.2.- Actividades NON clasificadas ou inocuas:
Se hai obras:
- Proxectu d’adecuación de local xustificando’l cumplimientu del CTE, accesibilidá ya normativa aplicable sigún actividá, certificáu de dirección d’obras, firmáu pol técnicu competente ya visáu pol colexu oficial correspondiente.
- Planu de situación.
- Fotos.
Se NUN hai obras:
- Documentación técnica xustificando’l cumplimientu del CTE, accesibilidá ya normativa aplicable sigún l’actividá, firmada pol técnicu competente ya visada pol colexu oficial correspondiente.
9.- ¿Qué documentación debo aportar se quiero faer una caseta pa la ferramienta?
- Planu de situación.
- Croquis ou planu de la caseta con superficie máxima de 8m2, pendiente de cubierta de 15-30%, sin cimentación, estética tradicional, prohibíu l.ladriyu ya bloque d’hormigón (deben l.lucise ya pintase)
- Presupuestu.
10.- ¿Qué documentación debo aportar se quiero retear una edificación?
Se la edificación tien una superficie menor de 100 m2 ya 1 pisu:
- Planu de situación.
- Foto.
- Presupuestu.
Se la edificación yá de 2 pisos ou más, ou tien una superficie mayor de 100m2:
- Planu de situación.
- Foto.
- Ficha técnica (con EBSS) ya fueya de dirección.
11.- ¿Puedo solicitar na Casa Conceyu un certificáu d’antigüedá?
Tendrá de solicitalu na Oficina de Licencias aportando la documentación siguiente:
- Planu de situación.
- Fotos.
- Información catastral.
12.- ¿Qué pasa se se solicita licencia d’obras ya ésta nun s’empicipia ou acaba en plazu?
Tendrá de solicitar una prórroga antias de qu’acabe’l plazu. Se, anque se conceda’l plazu nuevu, nun s’executa la obra, vei poder caducar la licencia perdiendo los drechos qu’ésta-y ampara.
13.- ¿A quién tengo que dirixime na Casa Conceyu pa dudas ya perguntas técnicas?
Tendrá de solicitar cita cona conceyalía correspondiente.
14.- ¿Cúmo puedo saber qué condiciones tien la mía parcela?
Solicite un certificáu de condiciones urbanísticas a la Oficina de Licencias.
15.- ¿Qué tengo de faer se deseo ocupar la vía pública?
Tendrá de solicitar autorización a la Oficina de Licencias aportando:
- Planu de situación.
- Croquis conas mididas d’ocupación.
- Documentación técnica no casu que sea necesariu. (Andamios, etc.).
La ocupación vei faese en teniéndose la licencia correspondiente.
16.- ¿Qué tengo de faer se quiero colocar una terraza de temporada na vía pública?
Tendrá de solicitar autorización mediante solicitú no Rexistru Xeneral aportando:
- Planu de situación.
- Croquis conas mididas d’ocupación, superficie ocupada, númaru de sombrillas ou superficie del toldu.
- Tiempu pol que se requier.
17.- ¿Ónde puede consultase’l planeamientu ya las normativas de Cangas del Narcea?
