Serviciu públicu que quier satisfaer las necesidades informativas, d’ociu ya d’educación permanente de toda la comunidá n’igualdá d’oportunidades. Por eso, la entrada yá l.libre ya los nuesos servicios de baldre.

Na biblioteca ponemos a la túa disposición l.libros, vídeos, discos ya revistas pa que puedas esfrutalos en túa casa. P’acceder al préstamu de documentos namás necesitas el carné de sociu. Puedes tener en casa cumo máximo dous l.libros, dous discos, un videu ya dúas revistas atrasadas. La duración del préstamu yá de quince días naturales.

Tamién puedes visitanos pa usar la sección d’obras de consulta ou’l serviciu d’accesu a Internet al traviés de wifi.

Durante todu l’añu, en colaboración conos axentes sociales del conceyu, organizamos actividades que tienen cumo obxectivu’l fomentu de la lectura: formación d’usuarios infantiles ya adultos, talleres de lectura, cuentacuentos...

El nuesu horariu yá de l.lunes a vienres: de 10:00 a 13:30 horas polas mañenas ya de 16:00 a 19:30 horas polas tardes.

La Biblioteca Pública "P. Alfonso de Carvallo" del Conceyu ta asitiada frente a la basílica. La nuesa dirección postal yá: La Plaza la Oliva, s/n, 33800, Cangas del Narcea.

Puedes ponete en contactu con nós no teléfonu: 985 817 089 ou na dirección de corréu electrónicu: biblioteca@ayto-cnarcea.es.

Tamién veis topanos na páxina web: www.bibliotecaspublicas.es/cangasnarcea.