La Casa la Cultura "Palaciu d'Oumaña" asítiase en La Plaza la Oliva, no centru de la vil.la, xunto a la basílica de Sta. María Madalena. L'edificiu yá una construcción del sieglu XVI, que conserva la súa fachada ensin alteración: tien una portada n'arcu de mediu puntu con dovelaxe ampliu ya na súa parte izquierda destaca una ventana d'estilu platerescu enmarcada con decoración abonda tallada na propia piedra. Foi declaráu monumentu histórico-artísticu (10-03-1981).

L'edificiu, espuéis de ser alquiríu a los sous propietarios pol Conceyu de Cangas del Narcea, ábrese al públicu en rehabilitándose ya adaptándose convenientemente'l 5 de mayu del 2009.

La Casa la Cultura "Palaciu d'Oumaña" cunta con dalgunos servicios ya dependencias a disposición de la vecindá ya los visitantes de Cangas del Narcea.

Dependencias

• Oficina Xoven
• Serviciu de Normalización L.lingüística
• Oficina de Turismu
• Biblioteca Pública
• Centru de Dinamización Tecnolóxica del Conceyu
• Salas d'exposiciones
• Auditoriu
• Salas d'estudiu
   

Horariu

TEMPORALMENTE YA POLA NECESIDÁ D'ADAPTAR SERVICIOS A LA CRISIS SANITARIA XENERADA POL COVID-19, L'HORARIU D'ATENCIÓN AL PÚBLICU VEI SER DE 9.00 A 14.00 HORAS.

L'horariu d'apertura al públicu de la Casa la Cultura yá'l siguiente:

De l.lunes a vienres:

• Mañenas de 10.00 a 13.30 h.
• Tardes de 16.00 a 19.30 h.

Del 15 de xunu al 15 de setiembre l'horariu d'apertura yá de 8.30 a 15.00 h.