BEGINNING

VIENRES 19 DE FEBREIRU DE 2021. 20.00 HORAS

Nun pueblín tranquilu de provincias, una comunidá de Testigos de Jehová ía atacada por un grupu extremista. En plenu conflictu, el mundu de Yana, la esposa del líder de la comunidá, desmorónase pouco a pouco.
La insatisfacción interior de Yana miedra mientras alcuentra sentíu a los sous deseos.

•  ANU: 2020
•  DURACIÓN: 130 min.
•  IDIOMA: V. O. en xeorxanu subtituláu n'español
•  PAÍS: Xeorxa, Francia
•  DIRECTOR: Dea Kulumbegashvili
•  GUION: Dea Kulumbegashvili
•  REPARTU: Ia Sukhitashvili, Kakha Kintsurashvili
•  INFORMACIÓN ADICIONAL: Meyor película Festival Internacional de San Sebastián 2020, Festival de Cannes 2020, Festival de Toronto 2020

EL TRABAJO O A QUIÉN LE PERTENECE EL MUNDO 

VIENRES 26 DE FEBREIRU DE 2021 - 20.00 HORAS

Los nenos na escuela son testigos del conflictu ente la policía ya los güelguistas. La barriada d'un pueblu mineiru conviértese nun campu de batalla outra vez más. Espuéis del fracasu de la güelga última, los trabayadores debátense ente entrar n'acción ou rindise a l'apatía, sabiendo que pueden fader pouco p'acabar cono ciarru de los pozos últimos.

El trabajo o a quién pertenece el mundo retrata una comunidá minera al traviés del prisma de la etno-ficción, mientras negocia'l declive de la mesma industria que permitíu la súa emerxencia. Espuéis d'un periodu l.largu de desindustrialización qu'afecta a toda la zona, lo que queda ía un paisaxe en descomposición de castilletes ya escombreras.

•  ANU: 2017
•  DURACIÓN: 65 min.
•  IDIOMA: V.O. n'inglés (subtituláu n'español) ya español
•  PAÍS: España
•  DIRECTOR: Elisa Cepedal
•  GUION: Elisa Cepedal
•  FOTOGRAFÍA: Daniel Chaytor
•  REPARTU: documental
•  INFORMACIÓN ADICIONAL:Festival Internacional de Cine de Xixón. FICX 2019: Premiu Especial del Xuráu

VACA MUGIENDO ENTRE RUINAS

VIENRES 5 DE MARZU DE 2021. 20.00 HORAS

El veinticuatro d'agostu de 1937, el Conseyu Interprovincial d'Asturias ya L.lión, autoridá republicana máxima, constitúise "Conseyu soberanu de gobiernu de todu'l territoriu de la súa xurisdicción  ya a él quedan sometidas dafeitu tódalas xurisdicciones ya organismos civiles ya militares que funcionan ya funcionen no sucesivo dientro del territoriu referíu". Vaca mugiendo entre ruinas avéirase a esti momentu de la historia contemporania d'Asturias, al traviés del testimoniu del sou responsable principal, Belarmino Tomás, presidente lexítimu últimu d'Asturias, antias del trunfu del fascismu, ya d'una colección d'evidencias (fotografías, debuxos, pinturas, textos periodísticos...), dende unos meses antias de que se produza la declaración hasta la derrota, caída ya evacuación de Xixón, el 20 d'outubre de 1937.

•  ANU: 2020
•  DURACIÓN: 90 min.
•  IDIOMA: español
•  PAÍS: España
•  DIRECTOR: Ramón Lluís Bande
•  GUION: Ramón Lluís Bande, Vera Robert
•  FOTOGRAFÍA: Juan A. García
•  REPARTU: documental, voz de Nacho Vegas
•  INFORMACIÓN ADICIONAL: Sección Albar del Festival Internacional de Cine de Xixón 2020, 58 FICX; Sección Ecáner del Festival Márgenes 2020

CUCA (RETRATO DE UNA MUJER)

VIENRES 12 DE MARZU DE 2021. 20.00 HORAS

Cuca ía una muyer de Lluanco de 87 anos. Inda conos achaques de la edá, ofreznos toda una lección de vida sobre cúmo enfrentase con humor ya optimismu a las dificultades. Un retratu divertíu ya conmovedor, una memoria vívida na qu'acompañamos a Cuca por museos, cocinas ya escenarios que deixanon güelga, aparte de na protagonista, n'Asturias de las décadas últimas.

•  ANU: 2019
•  DURACIÓN: 87 min.
•  IDIOMA: español
•  PAÍS: España
•  DIRECTOR: Carlos Navarro
•  GUION: Carlos Navarro, Martina Bueno
•  FOTOGRAFÍA: Ángel Merchante Fernández
•  REPARTU: documental
•  INFORMACIÓN ADICIONAL:Música orixinal: Héctor Tuya Festival Internacional de Cine de Xixón, FICX 2019: Premiu RTPA al Meyor L.largometraxe Asturianu

SIBERIA

VIENRES 19 DE MARZU DE 2021. 20.00 HORAS

La vida n'Ayande (la Siberia asturiana) trescurre aburrida ente las obligaciones del día a día. Poucas cousas alteran la rutina diaria no pueblu. La brecha ente'l mundu rural ya l'urbanu muéstrase de manera abismal nesta zona aislada. Ya la relación ente humanos ya animales ía honesta, pero tamién descarnada... Esta sumana toca'l samartín, una d'estas excepciones que ruempen la rutina ya que constrúin comunidá, todu'l pueblu colabora na matanza de cada casa. Aiquí la carne nun vien envasada al vacíu, hai qu'emporcar las manos...

•  ANU: 2020
•  DURACIÓN: 53 min.
•  IDIOMA: castellanu
•  PAÍS: España
•  DIRECTOR: Manuel García Postigo
•  REPARTU: documental
•  INFORMACIÓN ADICIONAL: Festival Internacional de Cine de Xixón, FICX 2020