El númaru de teléfonu 112 ta concebíu a nivel européu cumo’l númaru únicu pa prestar asistencia a la ciudadanía énte cualquier tipu d’incidencia ou emerxencia (sanitaria, d’extinción d’incendios ya salvamentu, de seguridá ciudadana) ya, pola posible necesidá de coordinar los anteriores, de protección civil, cualisquiera que sea l’alministración pública de la que dependan.

Estos servicios tán regulaos no Real decretu 903/1997, de 16 de xunu, que regula l’accesu mediante redes de telecomunicaciones al serviciu d’atención de chamadas d’urxencia al traviés del númaru telefónicu 112 habilitando, con carácter exclusivu nacional, el númaru 1-1-2 de chamadas d’urxencias européu, establecíu pola Decisión 91/396/CEE del Conseyu de Comunidades Europeas.