¿QUIÉN SOMOS?

La Policía del Conceyu yá un cuerpu de seguridá dependiente de la corporación del conceyu, que participa no mantenimientu de la seguridá pública. La Policía del Conceyu configúrase cumo institutu armáu de naturaleza civil ya estructura ya organización xerarquizada que se rixe en tódalas súas actuaciones polo qu’establez la Lei de bases de réxime del conceyu, Lei de fuerzas ya cuerpos de seguridá del estáu ya las leis de coordinación de polícias del conceyu nas comunidades autónomas diferentes, amás de por reglamentos específicos del cuerpu ya outras normas dictadas polas alministraciones de las casas conceyu correspondientes.

FUNCIONES

La Policía del Conceyu tien funciones diversas, la mayoría siñaladas na Lei orgánica de fuerzas ya cuerpos de seguridá del estáu:

• La protección de las autoridades de las corporaciones de las casas conceyu ya la vixilancia ou custodia de los sous edificios ya instalaciones.
• La ordenación, siñalización ya dirección del tráficu urbanu d’alcuerdu conas normas de circulación.
• La instrucción d’atestaos por accidentes de circulación dientro del cascu urbanu.
• La policía alministrativa referente a ordenanzas, bandos ya outras disposiciones de la corporación.
• La participación nas funciones de policía xudicial. Sigún l’art. 12 de la lei citada las funciones de la Policía Xudicial son:
  • Auxiliar a xueces, tribunales ya al ministeriu fiscal na investigación de delitos ya no descubrimientu ya la detención de los delincuentes, cuando sean requeríos pa el.lo.
  • Practicar por iniciativa propia ou a requerimientu de l’autoridá xudicial, del ministeriu fiscal ou de superiores xerárquicos las primeras dilixencias de prevención de custodia de deteníos ya la prevención ya la custodia de los obxectos provenientes d’un delitu ou relacionaos cona execución d’ésti, d’estas actuaciones ha dase cuenta, nos términos establecíos legalmente, a l’autoridá xudicial ou al ministeriu fiscal, d’alcuerdu cona normativa en vigor.

Estas funciones han cumplise d’alcuerdu conos principios de cooperación mutua ya de colaboración recíproca cono restu de fuerzas ya cuerpos de seguridá.

•  Faer dilixencias de prevención.
• Tódalas actuaciones tendentes a evitar actos delictivos.
• L’auxiliu n’accidentes ou catástrofes ( participando con Protección Civil).
• La vixilancia d’espacios públicos ya la colaboración con outros cuerpos de policía na protección ya mantenimientu del orde nas manifestaciones ou nas grandes concentraciones humanas.
• La cooperación na resolución de conflictos privaos cuando sean requeríos pa el.lo.
• El velar pol cumplimientu de la normativa de mediu ambiente ya protección del entornu.
• El faer las actuaciones necesarias pa garantizar la seguridá viaria no conceyu.
• Cualquier outra función de policía ya de seguridá que d’alcuerdu cona lexislación-ys sea encomendada.

Na práctica, la policía del conceyu ocupa una bona parte del sou tiempu en funciones d’auxiliu ya d’asistencia social: mediación n’engarradiel.las ya conflictos, tresláu d’enfermos, feríos ya enfermos mentales; intentos de suicidiu, alcohólicos, nenos con dificultades, drogradictos, emerxencias, vixilancia ecolóxica ya rural, meyora de calidá de vida (fumos, ruíos, etc.), vixilancia n’actos populares, informaciones diversas, etc.