¿QUIÉN SOMOS?

La Guardia Civil española yá un institutu armáu de naturaleza militar que forma parte de las fuerzas ya cuerpos de seguridá del estáu. Cumo cuerpu de seguridá del estáu, la constitución da-y la misión primordial de protexer l’exerciciu l.libre de los drechos ya l.libertades de los españoles ya garantizar la seguridá ciudadana, todo el.lo baxo la dependencia del gobiernu de la nación.

Tien una dependencia doble: del Ministeriu del Interior en cuanto a servicios, retribuciones, destinos ya medios, ya del de Defensa en cuanto a ascensos ya misiones de carácter militar. Amás, atiende las necesidades del Ministeriu de Facienda relativas al resguardu fiscal del estáu, ya vela pol cumplimientu de tódalas normas ya reglamentos relacionaos conos diferentes órganos de las alministraciones central ya autonómica.

FUNCIONES

Las fuerzas ya cuerpos de seguridá del estáu tienen cumo misión protexer l’exerciciu l.libre de los drechos ya l.libertades ya garantizar la seguridá ciudadana mediante’l desempeñu de las funciones siguientes:

• Velar pol cumplimientu de las leis ya disposiciones xenerales, executando las órdenes que reciban de las autoridades nel ámbitu de las súas competencias respectivas.
• Auxiliar ya protexer a las personas ya asegurar la conservación ya custodia de los bienes en situación de peligru por cualquier causa.
• Vixilar ya protexer los edificios ya instalaciones públicos que lo requieran.
• Velar pola protección ya seguridá d’altas personalidades.
• Mantener ya restablecer, no sou casu, l’orde ya la seguridá ciudadana.
• Prevenir la comisión d’actos delictivos.
• Investigar los delitos pa descubrir ya detener a los culpables presuntos, asegurar las ferramientas, efectos ya pruebas del delitu, poniéndolos a disposición del xuez ou tribunal competente ya faer los informes técnicos ya periciales procedentes.
• Captar, recibir ya analizar cuantos datos tengan interés pal orde ya la seguridá pública, ya estudiar, planificar ya executar los métodos ya técnicas de prevención de la delincuencia.
• Colaborar conos servicios de protección civil nos casos de riesgu grave, catástrofe ou calamidá pública, nos términos que s’establecen na lexislación de protección civil.