Cumo tolos años por estas fechas, la Conceyalía d'Igualdá conmemora'l Día Internacional de las Muyeres.
El 8 de marzu yá un día constituíu internacionalmente pa reivindicar los drechos de las muyeres, denunciar las discriminaciones que sufren n'ámbitos diferientes ya rindir homenaxe a las personas que l.luitan pola defensa de la igualdá.
Nesti sentíu, la Conceyalía d'Igualdá ta desenvolviendo varias actividades añales de relevancia:

• Talleres na comunidá educativa, "Educando n'igualdá", dirixíos al alumnáu, las familias ya'l profesoráu. Estos talleres avezan ponese ente los meses de xineiru ya mayu nos centros educativos ya son conducíos pola axente d'Igualdá ya l'asesora de la Muyer.
• VI Marcha rosa, que se fairá'l vienres 9 de marzu a las 11:00 horas ya que tien la finalidá d'apoyar a las asociaciones contra'l cáncer d'Asturias na súa l.luita por acabar con esta enfermedá que tantas vidas se cobra. Dedícase esti día al cáncer de mama por ser unu de los cánceres con más incidencia ente la población femenina.
• Xornadas de coeducación, "Deprendiendo a educar n'igualdá", que se fairán los días 13, 14 ya 15 de marzu ente las 17:00 ya las 20:00 horas no Auditoriu de la Casa la Cultura "Palaciu d'Oumaña", en colaboración cono CPR Avilés-Occidente. Pa participar yá necesario matriculase na Axencia d'Igualdá d'Oportunidades del Conceyu Cangas ou no CPR.

La conceyala de Igualdá, Carmen López, anima a tola sociedá a participar de las actividades programadas ya a nun deixar de l.luitar contra la desigualdá.