Pa reconecer ya estimular el l.labor de las empresas comprometidas cona igualdá, la Lei Orgánica 3/2007, de 22 de marzu, prevé no sou artículu 50 la creación d'un distintivu empresarial en materia d'igualdá pa las empresas que destaquen pola aplicación de políticas d'igualdá ente muyeres ya homes nas condiciones de trabayu, nos modelos d'organización ya n'outros ámbitos, cumo los servicios, los productos ya la publicidá na empresa.
Van ser merecedoras del distintivu las empresas que destaquen de forma relevante ya significativa na aplicación ya implantación de planes ya políticas d'igualdá d'oportunidades de muyeres ya homes. Estas empresas, amás, van pasar a formar parte de la rede d'empresas con distintivu "Igualdá na empresa" ou REDE DIE.
