Con TIEMPU PROPIU depréndese a esfrutar de la vieyera con actividades que fan que las participantes se sientan meyor tanto física cumo emocionalmente, ya amás créanse círculos ya grupos d’amistá. Cumo requisitos únicos: ser muyer ya mayor de 50 años.

El programa inclúi un total de doce talleres sobre una variedá amplia de temas, dende salú ya Internet hasta cine, pintura, historia ou literatura. Cada muyer puede participar nun máximu de 3 talleres al añu. Empicípiase pol módulu d’Avieyamientu activu I, obligatoriu pa quien participan no programa la primer vez. Los talleres empicipian n’outubre ya acaban no mes de mayu.

Amás de los talleres, fanse a modu d’actividades complementarias una serie d’excursiones pol territoriu asturianu ande se conoz a compañeras d’outros conceyos que participan no programa ya con quien s’intercambia la experiencia. Tódalas actividades son de baldre, nun siendo las excursiones.