Institutu de la Muyer: l’Institutu de la Muyer yá un organismu autónomu adscritu a la Conseyería de Bienestar Social ya Igualdá. Tien cumo función la promoción ya’l fomentu de las condiciones que posibiliten la igualdá de los dous sexos ya la participación de las muyeres na vida política, cultural, económica ya social.

Gobiernu del Principáu d’Asturias: na web del Gobiernu del Principáu d’Asturias tienes accesu a información xeneral d’Asturias, información actualizada del gobiernu, boletín oficial del Principáu d’Asturias, ayudas ya subvenciones, empléu públicu ya empresas ya un aria personal pa faer trámites personales.

Ministeriu d’Igualdá: puede alcontrase información sobre los recursos ya servicios que puede necesitar una muyer: asesoramientu, información, ayudas, asistencia, protección, etc., amás de normativas, planes ya informes en materia de xéneru.

Programa d’apoyu empresarial: yá un programa d’apoyu empresarial a muyeres. Pretende completar el serviciu d’asesoramientu personal prestáu dende los gabinetes PAEM, asitiaos nas cámaras de comerciu.

Conseyu Asturianu de la Muyer: El Conseyu Asturianu de la Muyer ya las asociaciones que lu integran vertebran espacios amplios de participación política de las muyeres no Principáu d’Asturias. Esti portal inaugura un sitiu común pa tódalas asociaciones de muyeres que componen esti órganu de participación ya representación de los sous intereses.

Fundación Muyeres: yá una organización non gubernamental sin ánimu de lucru dende la que se trabaya na puesta en marcha de proxectos d’intervención n’ámbitos diferentes relacionaos cona participación social, política, económica ya cultural, cono obxectivu de consiguir que la igualdá d’oportunidades sea rial ya efectiva.

Coeducación: espaciu pa educar n’igualdá: La Dirección Xeneral de Políticas Educativas ya Ordenación Académica ya l’Institutu de la Muyer impulsan la creación d’esti blogue no marcu del programa “Estratexas p’avanzar no desenvolvimientu de las políticas d’igualdá d’oportunidades ente muyeres ya homes 2005-2007” del Gobiernu del Principáu d’Asturias.

Observatoriu de la violencia de xéneru: nesta páxina recopílanse, al traviés de los medios de comunicación, noticias, opiniones ya informes que puedan ser d’interés, non namás pa profesionales na materia, senón pa la población no sou conxuntu. Cunta amás con una base de datos de “bonas prácticas”, que recói proxectos ya experiencias prácticas que dienon bonos resultaos nas modalidades diferentes d’intervención en violencia de xéneru.

Rede feminista: Dende esta páxina faise un chamamientu a tódalas muyeres pa que nun toleren nas súas relaciones, tanto pùblicas cumo privadas, niuna afrenta a la súa dignidá ya integridá, sumándose asina a la defensa de las iniciativas que tienden a la erradicación de la violencia de xéneru.

Muyeres na rede: yá un periódicu feminista ande se puede topar todu tipu d’información sobre conferencias, publicaciones, reflexones, entrevistas, charlas ya conceptos sobre la igualdá d’oportunidades ente muyeres ya homes.

Ensin xéneru de dudas: esta páxina foi configurándose cumo la comunidá del conocimientu. Una comunidá virtual d’interés pa la creación, l’intercambiu ya la difusión del conocimientu con enfoque de xéneru. Alredor d’esta comunidá van desenvolviéndose un conxuntu de relaciones sociales, unidas por un interés común: la igualdá de xéneru ya’l desenvolvimientu democráticu. Estas relaciones ya los frutos que d’el.las se derivan establécense no ciberespaciu cumo una extensión de la nuesa vida corriente ya de la nuesa participación activa.