La celebración del 8 de marzu cobra cada añu más importancia en Cangas del Narcea. Asina da cuenta d'el.lo'l númaru grande d'actividades que s'organizan dende l'Axencia d'Igualdá d'Oportunidades ya la Conceyalía de la Muyer con motivu d'esta conmemoración.

De mano, vei celebrase la II Marcha Rosa: tod@s escontra'l cáncer de mama, que se fairá'l día 7 de marzu. La marcha vei empicipiar a las 11 ya salir de la plaza d'El Mercáu.
El programa inclúi tamién la exposición Por 6.000 cruces rosadas, que vei poder visitase ente'l 3 ya'l 19 de marzu na Casa la Cultura “Palaciu d'Oumaña”. Esta muestra cuerre a cargu del Colectivu Milenta Muyeres, que vei ufiertar tamién una conferencia titulada De aquí y de allá: mujeres de otros mundos. La charla fairáse, pola súa parte, el 19 de marzu a las 11 de la mañena na Casa la Cultura.

Amás, van impartise nas escuelas del conceyu talleres diferentes cono lema “Educando n'igualdá”. Los destinatarios van ser lo escolinos d'ente 3 ya 12 años.

Imágenes