Por octavu añu consecutivu, eichan a andar los talleres dirixíos a muyeres dientro de las xornadas itinerantes no mediu rural: MUYER RURAL 2014. Durante esti mes d'outubre van participar nos talleres 200 muyeres repartidas ente nueve núcleos de población del conceyu, que son: Robléu Teinás, Bornazal, Cibea, Bisuyu, Cibuyu, Santiáu Sierra, Carbachu, Tresmonte ya Riegla de Naviegu.

Los talleres organízanse dende la Conceyalía de la Muyer del Ilmu. Conceyu de Cangas del Narcea, al traviés de l'Axencia d'Igualdá.

Las clases van ponese todu'l mes d'outubre, un día a la sumana en cada nucleu, siempre n'horariu de tarde.

Profesionales de campos distintos (psicoloxía, fisioterapia ya pedagoxía), qu'amás son expertas en xéneru, van ser un añu más las encargadas de poner los talleres, xunto cono personal del Aria de la Muyer del Conceyu, l'Axente d'Igualdá, l'Asesora de la Muyer ya la técnica del Serviciu de Normalización L.lingüística.

L'obxectivu del programa yá'l fomentu de la participación social de las muyeres del mediu rural, propiciando l'alcuentru ya la relación ente las destinatarias mediante'l fomentu de redes sociales de muyeres de la mesma zona ya l'incentivu de la evolución de mentalidades ya cambiu d'actitudes que faciliten la participación de las muyeres en tódolos ámbitos de la vida pública ya privada ensin prexuicios sexistas.

Documentos

Trípticu con toda la información (pdf. 302 kb)

Imágenes