VI Encuentro de Asociaciones de Mujeres y clausura Mujer Rural 2017 - ayto-cangasdelnarcea
Actualidad de Igualdad
VI Alcuentru d'Asociaciones de Muyeres ya piel.le Muyer Rural 2017
El vienres 10 de los santos, celebraráse en L.lumés el VI Alcuentru d'Asociaciones de Muyeres, coincidiendo cono piel.le de Muyer Rural 2017.
Tán convidadas a asistir al actu tódalas muyeres de la zona, pertenezan ou non a una asociación. Las muyeres que quieran participar han apuntase antias del 7 de los santos n'Axencia d'Igualdá.
L'actividá inclúi dúas charlas d'interés:
Una a cargu de Belén Liste ya Dolores Hidalgo, xerente del Grupu de Desenvolvimientu Altu Narcea-Muniel.los ya inxeniera forestal, respectivamente, que falarán sobre'l papel de la muyer no procesu de clarificación de la propiedá de los montes.
Ya outra a cargu de Diana Suárez Bustelo, que presentará GER (Ganaderas en Red), un espaciu nuevu onde visibilizar ya compartir experiencias ya propuestas de ganaderas de territorios diferientes con arguyu.
Amás de las charlas, haberá xanta ya bail.le, cumo vien siendo tradición.
En resume, una xornada onde compartir ya disfrutar d'un espaciu propiu.
La conceyala d'Igualdá, Carmen López, afirma sintise mui implicada con esti proyectu qu'acerca iniciativas nuevas ya diferientes a las muyeres de los núcleos rurales ya apuesta por siguir trabayando nél nos años vinientes.