Tiempu propiu yá un programa del Institutu Asturianu de la Muyer que l.lieva nesti conceyu dende l'añu 2007. Dende'l cursu pasáu cunta cona cofinanciación del Conceyu de Cangas del Narcea al traviés de la conceyalía de Muyer ya Igualdá, qu'eicha a andar el cursu escolar 2014-15 esta sumana. El Conceyu de Cangas del Narcea financiará esti cursu escolar 3 talleres del programa.

Tiempu propiu, que se coordina dende l'Axencia d'Igualdá, abríu'l plazu pa la matrícula no mes d'outubre. No mes de los santos, vei empicipiar el primer taller, Quierte muito, cona participación de 40 alumnas.

En xineiru escomencipiarán dous talleres d'Internet pa 20 muyeres. Los talleres van ser impartíos dende'l CDTL por personal de la Casa Conceyu. Nos meses de marzu, abril ya mayu impartiráse'l tercer taller, Movimientu saludable, nel qu'hai matriculadas 40 muyeres.

El día 8 de los santos las alumnas de la edición pasada ya las matriculadas de recién, amás de las socias de l'Asociación de Muyeres con Tiempu Propiu, participarán nun alcuentru de muyeres rurales con tiempu propiu, que vei faese en Candás nun actu organizáu pol Institutu Asturianu de la Muyer.

No cursu las alumnas van poder participar tamién n'outros actos, talleres ou conferencias inda por determinar que se propongan dende l'Institutu Asturianu de la Muyer.
A final de cursu ya cumo cada añu, dende la conceyalía de la Muyer de la Casa Conceyu de Cangas van organizase los actos de piel.le del cursu